မင်းသမီးလေးတစ်ယောက် အကြောင်း
ကြီးတော်ကြီး တစ်ယောက် သူ့တူမကို သိပ် မသင်္ကာချင်တော့။ လျှပ်စီး လက်သလို အမြဲယောက်ယက် ခတ်နေ တတ် တဲ့ တူမ ပျာယာက စကားဟဖို့ နေနေသာသာ ပြုံးပင် မပြုံးနိုင်တော့။ အထိုင် အထတွေ မှာလည်း ရွရွလေး၊ လိပ်ခေါင်း ဖြစ်နေသလား။ အိမ်ထဲက အိမ်ပြင်လည်း မထွက် ဆို တော့ကာ ကိုယ်ဝန်များ ဖျက်ချ သ လား။ ခေတ် ကာလ သမီးများကလည်း DNC လုပ်တာ (သားအိမ်ခြစ်တာ) လောက်တော့ အေးဆေး ဆိုတော့။
အကဲခတ် သလောက် အဖြေက ရှုပ်ယှက် ခတ်နေတာမို့ ”ဘာဖြစ်တာ တုံးအေ” လို့ပဲ တဲ့မေးရပြီ။ အံမယ် ဒင်းကများ စိတ်မရှည် သလို ခပ်စိုက် စိုက် ပြန်ကြည့်ရင်း မဟ တဟနဲ့ နောက်မှ ပြောပြမယ်တဲ့။ ခါတိုင်းဆို နဂိုသံ ကျယ် လော် စပီကာ ပျာယာရဲ့ အသံက ဖုန်းလိုင်း မကောင်းလို့ ကြား တစ်ချက် မကြားတစ်ချက် အသံမျိုး။
နောက် ၃ ရက်လောက်မှ နည်းနည်း ပုံမှန်ပြန်ဖြစ်လာပြီး တင်ပါးက ဆီလီကွန် ထည့်ထားလို့ ဂရုတစိုက် ထိုင်နေ ရသေးကြောင်း ရှင်းပြတယ်။ အဲဒါကို ကြီးတော် လည်း တော်တော် နဲ့ နားမလည်။ ”ညည်းတို့ ဟာကလည်း စကား မပြောနိုင်လောက်အောင် နာတာကို လုပ်ရသလားအေ” တဲ့။ အဲ့တော့ မပျာယာက ”စကား မပြောနိုင် တာက ပါးမှာ ကြိုးထိုး ထားလို့ပါ” တဲ့။ ”ဟမ် ဘာတွေလဲ ရှုပ်နေတာပဲ” ”ခုခေတ်က ကြီးတော်တို့ ခေတ်လိုမှ မဟုတ်တာကိုး ကြီးတော် ရဲ့၊ ပါးမှာကြိုးထိုး တယ် ဆို တာ မေးလေးတွေ သွယ်တဲ့ ပုံဖြစ်အောင် တို့၊ နှုတ်ခမ်းလေးကို ပြုံးနေ သလို ဖြစ်အောင် ကြွက်သားကို ထိန်းတဲ့ အနေနဲ့ လိုချင်တဲ့နေရာ မှာ ကြိုးလေးတွေ ထည့်ပြီး အရေပြား ကို လိုသလို လုပ်တာ၊ တင်ပါးကို ဆီလီကွန် မထည့်ဘဲ အပေါ်ပဲ ပင့်တင်ရုံဆို တင်ပါးကို ကြိုးထိုးလို့ ရတယ်။ ကြီးတော်ကြီး ရဲ့ တွဲကျနေတဲ့ မျက်နှာက အရေပြားတွေ ဆွဲတင်ချင် လည်း ကြိုးထိုး လို့ရတယ်။ မေးလေးကို ပိုသွယ် သွားအောင် မေးအောက်မှာ ဆီလီကွန်လေး နည်းနည်း ထည့်လိုက်”
”တော်ပါအေ၊ သေပဲသေတော့မင့်ဟာ၊ ညည်းတို့ ဟာကလည်း လွန်လွန်းပါတယ်အေ”
”အို … သမီးတို့ကတော့ သေရင်တောင် လှလှလေး သေချင်တာကိုး ကြီးတော်ရဲ့”
မိန်းမဆိုတာ
မိန်းမတွေ ဟာ စပ်စု ချင်တယ်။ တိတ်တိတ် မနေချင်ဘဲ ပွစိပွစိ လုပ်ချင် တယ်။ ဒါကြောင့် ဂျာနယ်လစ်တွေ ထဲမှာ မိန်း မတွေ ပိုပို များလာတာပေါ့။
ယောက်ျားတွေ မှာ အကြောပေါင်း တြီလျံ နဲ့ ချီပြီးရှိတယ်။ အဲဒီ အကြော တစ်ခုချင်း စီကို မိန်းမတွေက သိပြီး နာမည် တပ် တတ်တယ်။ ကိုယ်တစ်တွေ ဘာ အကြောထနေ တယ် ဆိုတာ မိန်းမတွေက ပိုအသိဆုံး။
ကိုယ်တွေ မဟုတ်တာ လုပ်တာကို မိန်းမတွေ အာရုံက အလိုလို သိနေတတ်တယ်။ သူတို့ စုံစမ်းထောက် လှမ်းပြီ ဆိုရင် လည်း စစ်အစိုးရ လက် ထက် ထောက် လှမ်းရေးတွေ ထက် ပိုကျွမ်းကျင် တိကျတာကို မေ့မထားနဲ့။
မိန်းမတွေ ပြောနေကျ စကား ရှိတယ်။ ‘အမှန်တရားနဲ့ နာကျင်ချင် နာကျင်ပစေ၊ အလိမ်အညာ နဲ့တော့ မလှည့်စားပါနဲ့’ ဆိုတာလေ။ အဲသလို သာပြောတာ ကိုယ်တွေ မုသားသုံး မှ အနေအထိုင် ချောင်မယ်ဆိုတာ မသေ မချင်းမှတ်ထား။
ကိုယ်တွေက ချစ်သူ အရေ အတွက်ကို ရူးသွပ် ချိန်မှာ မိန်းမတွေက အချစ်ရဲ့ နက်ရှိုင်းမှုပေါ် မှာပဲ ရူးနှမ်းနေ ကြတာဖြစ် လို့ သတိနဲ့နေပါ။
မိန်းမတွေက ဘာလဲလို့ ပြန်မေးတဲ့ အချိန်ဟာ ကိုယ့်ရဲ့ ပြုပြင်ဖို့ အချိန်ပါ။ အဲ့ဒီအချိန်မှာ ကိုယ် စကားပြော မှားတာ ကို ပြင်ရင်ပြင်၊ မပြင်ရင်တော့ နာပြီပဲ။
အသုံးမကျလိုက်ပုံများကတော့
မောင်တောက်တီး သူငယ်ချင်း တစ်ယောက် လူပျိုကြီး ဘဝနဲ့ နှစ် ၄ဝ လောက် ဖြတ်သန်း လာခဲ့ပြီးမှ မိန်းမယူ လိုက် တာ ကြာလှ ၂ နှစ်ပေါ့။ ဒါပေမဲ့ ဒင်းဆီက ဆူညံ သံတွေ ကြားလာရပြီ။ မိန်းမအပေါ် မကျေနပ်တဲ့ အသံတွေ ပေါ့ဗျာ။ ကြီးမှ ဝက်သက်ပေါက်တော့ လည်း ပိုခံရတာပေါ့။ လူပျိုကြီး လက်နက် ချ ဆိုတော့လည်း ပစိပစပ် က ပိုများလေ သပေါ့။ မတွေ့လိုက်နဲ့ တွေ့လိုက်တာနဲ့ မိန်းမအသုံး မကျကြောင်း ဓာတ်ပြားဟောင်းကြီး ကိုဖွင့်တော့တာပဲ။ ကြား ရတဲ့ ကောင်တွေ လည်း နား မခံနိုင်ဖြစ် လာကြပေမဲ့ သူ့ပါးစပ်ကြီး ကနေ မိန်းမ အသုံး မကျကြောင်းတွေ ရပ် သွားအောင်တော့ ဘယ်သူမှ မတတ်နိုင်ကြဘူး လေ။ ဒီတော့ကာ သူတိုက် သမျှ သောက် သူကျွေး သမျှ စားပြီး သူပြော သမျှ နားထောင်နေ ကြရတော့တာပေါ့။ တစ်နေ့တော့ ညနေဘက် သူ့အိမ်ကို အလည်ရောက် သွားတုန်း သူ က ရေခဲသေတ္တာ ထဲက ဘီယာ ပုလင်းလေးတွေ ထုတ်လာပြီး ဧည့်ခံတယ်။ သူလည်း သောက်တယ်။ ဒီကတည်း က မောင်တောက်တီး တို့ သိလိုက်ပြီ။ ဓာတ်ပြားဟောင်း ကြီး ဖွင့်တော့မယ် ဆိုတာ။ သိပ် မကြာပါဘူး။ ထုံးစံအတိုင်းပဲ မိန်းမ အသုံး မကျကြောင်း၊ ညံ့ဖျင်းကြောင်း တွေ လာတော့တာပါပဲ။ ပြောရင်း ပြောရင်း အားပါလာတော့ သူ့ပုဆိုး ကို ကိုင်ပြပြီး ”ဒီပုဆိုး ကိုပဲ ကြည့်ကွာ ကြွပ်ကြွပ်အိတ် လို ပါးနေတဲ့ အပြင် ချည်ကျော်တွေ ကလည်း အများကြီး။ ဒီလို ပုဆိုး မျိုး ကိုမှ ရွေးဝယ်တယ်တဲ့။ ဘယ်လောက် ရွေးချယ်မှု ညံ့ဖျင်း လိုက်သလဲ ဆိုတာ။ (တီဗီကို လက် ညှိုး ငေါက်ငေါက် ထိုး၍) ဟောဟိုက တီဗီ တင်တဲ့ စင်ကို ကြည့်လိုက်ဦး။ ပုံမလာ ပန်းမလာနဲ့။ အဲဒါလည်း သူ ပဲ ရွေး ဝယ် လာတာလေ။ (ထိုင်နေသော ဆိုဖာကို တဘုန်းဘုန်း ပုတ်) ဟောဒီ ဆိုဖာတွေကို ကြည့်စမ်းပါဦးကွာ။ ဘာ အရောင် မှန်း မသိ ဘာအဆင် မှန်းမသိ။ တောကျ လိုက်တဲ့ ဒီဇိုင်း။ ဒါလည်း သူပဲ ရွေးချယ်တာလေ။ ငါတောင် မသိ လိုက်ဘူး။ အဲဒါတွေကို ပဲကြည့်တော့ ငတောက်တီးရေ” သူပြောလို့မှ စကားမဆုံးသေး မောင်တောက်တီး ဝင်လာပြီး ပြန် မပိတ်မိတဲ့ တံခါးကနေ သူ့မိန်း မ ခြေဆောင့် ဝင်လာ။ သူ့နားရွက်ကို မိမိရရ ဆွဲလိမ်ပြီး ”ကိုင်း..ဟုတ်ပါပြီ… ဟုတ်ပါပြီ…. ကျုပ်ရွေးချယ်မှု တွေ အသုံးမကျပါဘူး။ ရှင်ပြောတာ မှန်ပါတယ်။ ကျွန် မရွေးချယ်မှု ထဲမှာ အသုံးမကျဆုံး ကတော့ ရှင့်ကို လင်တစ်ယောက် အဖြစ် ရွေးလိုက်မိတာပဲ” တဲ့ဗျား…။ ကိုယ့်ကောင်ကြီး မျက်နှာကြီးမဲ့။ မျက်တောင်လေး ပုတ်ခတ် ပုတ်ခတ်နဲ့။ ပါးစပ်လည်း ပိတ်သွား လိုက်တာ။ နောက်နောင် သူငယ်ချင်းတွေ နဲ့ ဆုံတိုင်း သူ့မိန်းမ အသုံး မကျကြောင်း ပြော ကို မပြောတော့ ပါဗျာ။
ဖြစ်မှဖြစ်ရလေ
ဟိုတစ်လောလေး က လိင်တူချင်း အတူနေတဲ့ ၁ဝ နှစ်ပြည့် မင်္ဂလာပွဲ ကိစ္စရယ်။ Facebook မှာ နာမည်ကြီးနေတဲ့ ဣတ္ထိယ အသွင် လုလင်ပျို ကလေးနဲ့ ဂျာနယ် အင်တာဗျူး တွေ၊ မျက်နှာဖုံးပုံတွေ အစ ရှိသည် ဖြင့်ပေါ့လေ. ..နိုင်ငံ တကာ နဲ့ ရင်ပေါင် တန်းနိုင်ပြီ လို့ ဆိုရလေမလား၊ ခေတ်ရေစီး ကြောင်းကြောင့် ပဲလား၊ အချိန်တန် လာလို့ပဲ လားတော့ ဘယ်သူ မှ တိတိ ကျကျ မပြောနိုင်ပေမဲ့ အဲဒီလို ကိစ္စတွေ ပေါ်လာပြီး နောက်ပိုင်း မှာတော့ လိင်တူတွေ ရဲ့ဆောင်ရွက် ချက်တွေ ပိုပြီး ပွင့်လင်းလာ ချက် ကတော့ တအားပဲဗျ။ အင်မတန် မှကို ပေါ်တင်ကျ လာကြတယ် ဆိုရမလား၊ တို့ကတော့ ခပ်ပြောင်ပြောင် ပဲ လို့ဆို ရမလားဗျာ။ ဒါတင် ဘယ်ကဦးမ လဲ ကောင်လေးတွေ ကပါ မိန်းမ ရှာလေးတွေလို ပြောလာကြ၊ ဆိုလာကြတာကို တွေ့ရသဗျ။ ဝတ်စားဆင်ယင်ပုံကအစ ခြောက်၏/ မခြောက်၏ ခွဲခြားရတာ ခပ်ခက် ခက်ဖြစ် လာတယ်။ အောင်မယ် … မောင်တောက်တီး တို့ သူငယ်ချင်းတွေထဲ မှာတောင် ညည်းကအေ…ကောင်မနော်…. ရွစိ တက်နေ သလား.. .စသည်ဖြင့် ပြော ကျင့် ဆိုကျင့် ပါလာတဲ့ကောင်တွေ တွေ့လာရလို့ ဟန့်နေရပါ ပကော လား။ ခေတ် ကြီး ကိုပဲ အပြစ်ပုံ ချရမလား၊ စနစ်ကြီး ကိုပဲ အပြစ်ပုံချ ရမလား မဆိုနိုင်ပေမဲ့ ပွင့် လင်း မြင်သာ မှုတွေကတော့ တအား တအား ကို ရှိလာကြသဗျ။ ဘယ်လို ပဲဖြစ်ဖြစ်လေ ခေတ်ရေစီးကြောင်း ဆိုတာ ကလည်း အားကောင်း မောင်းသန် ကြီး ဆိုလေ တော့ကာ တားဆီးဖို့ ဆိုတာ မလွယ်လှဘူးပေါ့။ ရေစီးကြောင်း မှန်အောင်သာ ထိန်းကျောင်း ဖို့ကိုပဲ အာရုံစိုက် ရတော့ မပေါ့လေ။ အကောင်း ဘက်ကပဲ လှည့်တွေး ပြီး အချင်းချင်း အပြစ် မဖို့တဲ့ လူ့အဖွဲ့ အစည်းကြီး ဖြစ်လာရေး ကိုပဲ ဦးတည် ရပေမပေါ့။ အစ ရှိသဖြင့် တွေးပြီး လမ်းလျှောက် လာလိုက်တာ… ဗီဒီယို ကြော်ငြာ ဆိုင်းဘုတ် တစ်ခု ကိုတွေ့မှပဲ မျက်လုံးတွေ ပြူးသွားမိတယ်။ ဇာတ်ကား နာမည်ကြောင့် ပါပဲဗျား။ ဖြစ်မှဖြစ် ရလေဗျာ။ ဇာတ်ကား နာမည်က ”အခြောက် သရဲ” ဆို သကိုး။ သြော်… သရဲလောက မှာတောင် ဒီလိုဖြစ်နေ မှတော့ မောင်တောက်တီး တို့တစ်တွေ ဘာမှ မတတ်နိုင်တော့ တာလည်း ဘာဆန်းသေး လဲ လို့ တွေး လိုက် မိရင်း… ”ဒီမိုကရေစီ ခေတ်သစ် မှာ အဖြတ် အတောက် ဆင်ဆာတွေ တစ်ခုမှ မရှိကြတော့ရင် အဘက်ဘက်က ပိုတိုးတက် လာမှာ သေချာတယ်” ဆိုတဲ့ ပြော စကားတွေ ကိုလည်း ပြန်သတိရလိုက်သေး သဗျ။
