![]( "Untitled-1")
(Buy Nothing Day……အပြည်ပြည် ဆိုင်ရာ ဈေးမဝယ်ရနေ့ ၂ဝ၁၃ နိုဝင်ဘာ ၂၉)
ဒီလမှာတော့ ရတီ ချစ်သူတွေ စိတ်ဝင်စားကြမယ့် နေ့လေးတစ်နေ့ ရှိပါတယ်။ ပြက္ခဒိန်ထဲက နိုဝင်ဘာလရဲ့ ထူးထူးခြားခြား နေ့လေး တစ်နေ့ က တော့ နိုင်ငံ တကာ ဈေးမဝယ်ရ နေ့လေးပါပဲ။ နိုင်ငံတကာ အထိမ်း အမှတ်နေ့တွေ ကြားမှာ နိုဝင်ဘာလ ထဲမှာ ကျရောက်တဲ့ Buy Nothing Day… ရယ် လို့တွေ့လိုက် ရတော့ ကျွန်မ ကိုယ်တိုင်လည်း စိတ်ဝင်စား မိတာမို့ ရတီ ပရိသတ်ကြီး အတွက် မျှဝေပါရစေ။
နိုဝင်ဘာလရဲ့ နောက်ဆုံး စနေနေ့လေးကို နိုင်ငံတကာ ဈေးမဝယ် ရနေ့ရယ်လို့ နိုင်ငံတကာ မှာ သတ်မှတ်ထား ခဲ့ကြပါတယ်။ အမေရိကန် ပြည်ထောင်စု မှာတော့ ကျေး ဇူးတော် နေ့ရဲ့ နောက်နေ့ဖြစ်တဲ့ နိုဝင်ဘာလ ရဲ့ စတုတ္ထမြောက် သောကြာနေ့ ကို ဈေး မဝယ်ရနေ့ အဖြစ် သတ်မှတ်ကြ ပါတယ်။ ဈေးမဝယ်ရနေ့လေး ကို ကနေဒါနိုင်ငံ ဗင်ကူးဗား မြို့လေးက အနုပညာရှင် Ted Dave က ရှာဖွေ တွေ့ရှိခဲ့ပြီး ကနေဒါ အခြေစိုက် Adbusters မဂ္ဂဇင်းကနေ တစ်ဆင့် တင်ပြ လှုံ့ဆော်ခဲ့ပါတယ်။
ပထမဆုံး ဈေး မဝယ်ရနေ့လေး ကို ကနေဒါနိုင်ငံ ဗင်ကူးဗား မြို့လေး မှာ ၁၉၉၂ ခုနှစ် နိုဝင်ဘာလ ကစပြီး ကျင်းပခဲ့ပါတယ်။ အဓိက ရည်ရွယ် ချက်လေးကတော့ ကျွန်မ တို့လူမှု ပတ်ဝန်းကျင်မှာ လိုအပ်တာထက် ပိုလို့ စားသုံးနေကြတဲ့ စားသုံးကုန် တွေကို လိုအပ်တာထက် ပိုလို့ ဖြုန်းတီးမိကြတဲ့ လူသုံးကုန်တွေ ကို စေ့စေ့ စပ်စပ် ပြန်လည် ချင့်ချိန်ကြ စေဖို့ပါ။ တစ်နှစ်လုံးမှာ ၂၄ နာရီ လောက် ပိုက်ဆံအိတ် ထဲက ပိုက်ဆံ အကုန်မခံဘဲ ဘာပစ္စည်းမှ မဝယ်ဘဲ နေလိုက်ရုံနဲ့ အပြည်ပြည် ဆိုင်ရာ ဈေး မဝယ် ရနေ့လေးကို ဆင်နွှဲလို့ရပါ ပြီ။
၁၉၉၂ ခုနှစ် နောက်ပိုင်းမှာ တော့ ဈေးမဝယ်ရ နေ့လေးကို နိုင်ငံ တကာမှာ ကျယ်ကျယ်ပြန့်ပြန့် ကျင်းပလာနိုင်ပြီး အမေရိကန် ပြည်ထောင်စု မှာတော့ Black Friday ရယ် လို့ တင်စားကြပါတယ်။
ဒီနေရာမှာ ဈေးဝယ်တာနဲ့ ပတ်သက်ပြီး နည်းနည်း ပြောပြချင်ပါတယ်။ စိတ်ပညာ သဘောအရ လူတွေဟာ ဒေါသထွက်နေတဲ့ အချိန် အလွန် အမင်း ပျော်ရွှင်နေတဲ့ အချိန် နဲ့ စိတ်ဖိစီးမှု များလွန်းတဲ့ အချိန်တွေမှာ စိတ်ထွက်ပေါက် ရှာတဲ့အနေနဲ့ မဆင်မခြင် ဈေးဝယ်လေ့ ရှိပါတယ်။
ဒါ့ကြောင့်လည်း ကုန်တိုက်ကြီး တွေဟာ မြန်မာတို့ရဲ့ ပျော်ပွဲရွှင်ပွဲတွေ ဖြစ်တဲ့ သီတင်းကျွတ်၊ တန်ဆောင်တိုင်၊ သင်္ကြန်၊ ခရစ္စမတ်နဲ့ နှစ်သစ်ကူး ကာလတွေမှာ အပြိုင် အဆိုင် ဈေးနှုန်းတွေ လျှော့ပြီး ဈေးဝယ်သူ တွေကို ဆွဲဆောင်ကြပါတယ်။
မြန်မာနိုင်ငံမှာ တင်မက နိုင်ငံတကာမှာလည်း ဘာသာရေး ပွဲတော် တွေ ခရစ္စမတ်နဲ့ နှစ်သစ်ကူး ရောက်တိုင်း ဈေးရောင်းပွဲတွေ ကို သူ့ထက် ငါ အပြိုင်အဆိုင် ကျင်းပကြ ပါတယ်။ ကျွန်မတို့ ဆီမှာ လည်း ဘာသာရေး ပွဲတော် မတိုင်ခင် တစ်ပတ်လောက် အလို ကတည်းက ရှော့ပင်းမောတွေ ကို ညနှစ်နာရီလောက် အထိ ဖွင့်တာ မျိုး တချို့နေရာတွေ မှာ ညလုံးပေါက် ရောင်းတာမျိုး အထိ ရှိတတ်ပါ တယ်။
အဲဒီ ဈေးရောင်း ပွဲတွေမှာ အမှန်အကန် ဈေးလျော့ရောင်းတာ တွေ ရှိသလို တကယ် ဈေးမလျော့ဘဲ ဈေးဝယ်သူတွေ ကို လှည့်ဖျားပြီး ဈေးကစားတဲ့ လှည့် ကွက်လေးတွေ လည်း ရှိတတ်ပါတယ်။ တချို့ကျပြန် တော့လည်း အနှစ်နှစ် အလလက ရောင်းမကုန်ခဲ့တဲ့ ဒီဇိုင်းဟောင်း အဝတ်အစား၊ ဖိနပ်တွေနဲ့ သက်တမ်းလွန်ခါနီး ဆဲဆဲ အလှ ကုန် တွေကို အမှိုက် အဖြစ်မခံဘဲ အလကားနည်းပါး ဈေးချ ပစ်တာမျိုး တွေလည်း ရှိပါတယ်။
ဈေးရောင်းသူတွေ ကုန်တိုက် ကြီးတွေ ရဲ့ မာယာ လှည့်ကွက်ထောင် ချောက်တွေကို နားမလည်နိုင်ခင် အထိတော့ ကျွန်မ ကိုယ်တိုင် လည်း လျှော့ဈေးတွေ အထူး ဈေးရောင်း ပွဲ တော်တွေကို စိတ်ဝင်စားခဲ့ဖူး ပါတယ်။ မဆင်မခြင် ဈေးဝယ်ခဲ့ဖူး ပါတယ်။
အဲဒီအတွက် ရလဒ်ကတော့ ခေတ် မမီတော့တဲ့ ကွာလတီ မမီတော့ တဲ့ အသုံးအဆောင်တွေ ဗီရိုထဲမှာ အမှိုက်တွေလို ပုံလာတာပါပဲ။ ဒီလို မဆင်မခြင် ဈေးဝယ်သူတွေ ရှိတေဲ့ အတွက် ကျွန်မတို့ နေတဲ့ အိမ်တွေ နားမှာ ရှော့ပင်းမောတွေ နားမှာ အဝတ်အစား အလှူခံပုံးတွေ မှိုလို ပေါက်လာပါတယ်။
တကယ်တမ်း မှာလည်း နိုင်ငံ တကာမှာ နှစ်ပတ်လည် လျှော့ဈေး တွေ ဈေးရောင်းပွဲတွေ အထူးဈေး ရောင်းပွဲတော်တွေ ဆိုတာ အိမ်ရှင်မ တွေ ပျိုမေတွေ အတွက် ရင်ခုန်ခြင်း များစွာနဲ့ စောင့်စား ရတဲ့ အချိန်တွေ ပါပဲ။ အမေရိကားက ကုန်တိုက်ကြီး တွေမှာဆိုရင် မနက် လျှော့ဈေးပွဲ တော်ရှိတယ် ဆိုတာနဲ့ ညကတည်းက မအိပ်မနေ တန်းစီပြီး စောင့်နေသူ တွေ ရှိပါတယ်။
ယူအေအီး နိုင်ငံ ဒူဘိုင်းမြို့ဟာ အရှေ့ အလယ်ပိုင်းရဲ့ ရှော့ပင်းစင် တာ မြို့ကြီး တစ်မြို့လို့ ဆိုလို့ရပါ တယ်။ နှစ်စဉ်နှစ်တိုင်း ဖေဖော်ဝါရီ လမှာ Shopping Festival ကျင်းပပြီး ဖေဖော်ဝါရီလ တစ်လလုံး ဈေး ရောင်းပွဲတော် အဖြစ် သတ်မှတ်ထား တာမို့ အိမ်နီးချင်းနိုင်ငံတွေ နဲ့ ရုရှား နိုင်ငံ တစ်နိုင်ငံလုံး က ဈေးဝယ်သူ တွေ မမော မပန်း ဈေးဝယ်ပွဲ ဆင်နွှဲ ကြတဲ့ လတစ်လလို့ ပြောလို့ ရပါ တယ်။ ဒူဘိုင်းလေဆိပ် ဟာလည်း နာမည်ကျော် လေဆိပ် တစ်ခုဖြစ် တာမို့ စင်းလုံးငှား လေယာဉ်တွေ နဲ့ တကူး တက ဈေးလာဝယ်ရတဲ့ အထိ နာမည်ကျော်တဲ့ မြို့လို့ ဆိုကြပါ တယ်။
အခုချိန်ဟာ နိုင်ငံတကာမှာ အွန်လိုင်းကို တွင်တွင် ကျယ်ကျယ် သုံးလာကြတဲ့ အတွက် အွန်လိုင်း အထူးလျှော့ဈေးတွေ အွန်လိုင်း အထူး ပရိုမိုးရှင်းတွေ မှိုလိုပေါက်လာ ခဲ့ပါတယ်။
အမျိုးသမီးတွေ အတွက် သည်း ခြေကြိုက် အဝတ်အစား အသုံး အဆောင်နဲ့ ရတနာတွေကို အွန်လိုင်း မှာ ဈေးနှုန်း သက်သာလွန်းစွာ ရတတ်သလို အမျိုးသားတွေ ရဲ့ အသည်းစွဲ လျှပ်စစ် ပစ္စည်း အသုံး အဆောင်တွေ ဆိုတာလည်း ၅ဝ ရာခိုင်နှုန်း ကနေ ခုနစ်ဆယ့်ငါး ရာခိုင်နှုန်းလောက် အထိ သက်သက် သာသာ ရတတ်လေတော့ အထူး လျှော့ဈေးရယ် လို့ဆိုလေတိုင်း အွန်လိုင်း မှာရော နာမည်ကျော် ကုန်တိုက်ကြီးတွေ မှာရော အလု အယက်ကို အားပေး ဝယ်ယူကြတော့ တာပါပဲ။
လွန်ခဲ့တဲ့ သုံးရက် လောက်တုန်း က အွန်လိုင်းဆိုဒ် တစ်ခု မှာ အိုင်ဖုန်း ဖိုက်ကို ၇၅ ရာခိုင်နှုန်း လျှော့ဈေး နဲ့ ရောင်းမယ် လို့ ကြော်ငြာ ထားတာ တွေ့တော့ ဝယ် ဖို့ မဝယ်ဖို့ မဆုံးဖြတ် ရ သေးခင်မှာ ပဲ ကြိုတင် သတင်းရနိုင် ဖို့အတွက် Register လုပ်မိပါတယ်။ မိန်းကလေးလည်း ဖြစ် ခေတ်ကာလ ကုန်ဈေးနှုန်း ကိုလည်း တီးမိခေါက်မိ ရှိလေတော့ ကိုယ့် အတွက် အမှန် အကယ် မလိုအပ်ဘူးရယ်လို့ သိနေသည့် တိုင်အောင် လိုရ မယ်ရပေါ့လေ လို့ စိတ်ပိုင်းဖြတ်မိတဲ့ အထိ လျှော့ ဈေးကြော်ငြာတွေ က အားကောင်း လွန်းပါတယ်။
အွန်လိုင်းမှာ သတ်မှတ် ထားတဲ့နေ့ သတ်မှတ်ထားတဲ့ အချိန် သုံးလေးနာရီ အတွင်းမှာ အလုအယက် ဝယ်ရမယ် ဆိုပေမယ့် ကျွန်မ ထက် တက်ကြွလွန်း တဲ့ ဈေးဝယ် သူ တွေ ဘယ်လောက်တောင် များ ရှိနေ မလဲလို့ တွေးမိပြန် ပါသေးတယ်။ ပစ္စည်း အစစ် အမှန်အကန် ကို အရေ အတွက် ကန့်သတ် ထားပြီး မူလ တန်ဖိုးထက် ၇၅ ရာခိုင်နှုန်း လျှော့ပြီး ရောင်းပေးတယ် ဆိုကတည်းက ဘယ်သူမဆို လိုချင် မက်မောကြမှာ ပါပဲ။ လိုအပ်သည် ဖြစ်စေ မလိုအပ် သည်ဖြစ်စေ ကိုယ်တိုင် သုံးဖို့ပဲ ဖြစ် ဖြစ် လက်လွဲရောင်းဖို့ ပဲဖြစ်ဖြစ် လက်ဆောင်ပေး ဖို့ပဲဖြစ်ဖြစ် ဝယ်ကြ မှာ သေချာပါတယ်။
ဒါ့ကြောင့်လည်း ကျွမ်းကျင်သူ တွေက ဈေးဝယ်မယ် ဆိုရင် တကယ် လိုအပ်တဲ့ ပစ္စည်းတွေကိုသာ ရွေးချယ် ဝယ်ယူဖို့ အကြံပေးကြ တာပါ။ တစ်ပတ် တစ်ကြိမ် ဈေးဝယ် တတ်သူတွေ ဆိုရင်လည်း ဈေးဝယ် စာရင်းလေး လုပ်ထားဖို့ အကြံပေး ကြပါတယ်။ ဒါမှ မျက်စိထဲ တွေ့ရာ မြင်ရာဝယ်ပြီး မလိုအပ်တဲ့ ငွေကြေး သုံးစွဲမှုကို ကာကွယ်နိုင် မှာ ဖြစ်သလို အသုံးအဆောင်တွေ အပိုအလျှံ မဖြစ် အောင်လည်း ကာကွယ်ပေးနိုင်မှာ ဖြစ်ပါတယ်။
အွန်လိုင်းမှာ ဈေးဝယ်သူတွေ အတွက်လည်း သတိပြုရမယ့် အချက် အလက်လေးတွေ ရှိပါတယ်။ ကျွန်မမိတ်ဆွေ တစ်ယောက် အွန်လိုင်းကနေ iPad ဝယ်တော့ အွန်လိုင်း ကနေ ငွေချေပြီးချိန် မှာ စာတိုက်က စာပို့သမားက ပစ္စည်းကို အိမ်အရောက် လာပို့ပါတယ်။ စာပို့ သမားပြန်သွားချိန်မှာ ပါဆယ်ထုပ် ကို ဖွင့်ကြည့်လိုက်တော့ အထဲမှာ iPad ပါမလာပါဘူး။ ဈေးသက်သက် သာသာနဲ့ ဝယ်လို့ ရတဲ့ အွန်လိုင်းမှာ ပစ္စည်းတွေ အမှန်အကန် ရနိုင်ပေ မယ့် ရော့ပတ္တမြား ရော့နဂါးရယ် လို့ မျက်စိရှေ့မှာ ကိုယ့် ပစ္စည်းကို ရွေးဝယ်ရတဲ့ စနစ် မဟုတ်တဲ့ အတွက် အားနည်းချက်လေး တွေ ရှိတတ်ပါ တယ်။
ဈေးဝယ်တဲ့ နေရာမှာ ကျွန်မတို့ ထက် စေ့စပ် ချွေတာသူ စည်းစနစ် ကျသူတွေဆီက နည်းနာယူစရာ အချက်လေးတွေလည်း အများကြီး ရှိ ပါတယ်။
အထူးသဖြင့် ဈေးဝယ်တဲ့ အချိန် မှာ အလွယ်တကူ သုံးလို့ရနေတဲ့ အကြွေး ဝယ်ကတ်တွေကို နေရာ တကာ မသုံးမိစေဖို့။ လျှော့ဈေးရယ် လို့ ကြော်ငြာတွေ တွေ့လေ တိုင်း လည်း ကိုယ့်အတွက် ကိုယ့် မိသားစု အတွက် မလိုအပ်တဲ့ ပစ္စည်းတွေကို ဆန္ဒစောပြီး မဝယ်မိဖို့ လိုပါတယ်။
ကျွန်မတို့ မိန်းမသားတွေ အတွက်တော့ ဈေးမဝယ်ရနေ့ရယ် လို့ မရှိစေချင်ပါဘူး။ Shopping လို့ ဆိုလိုက်တာနဲ့ ကျွန်မတို့ အားလုံး စိတ်လှုပ်ရှား ပျော်ရွှင်ရစမြဲပါ။ အဝတ် ဗီရိုတွေထဲ မှာ အဝတ်တွေ ဘယ်လောက်ပဲ ရှိရှိ ဖိနပ်စင်ပေါ်မှာ ဖိနပ် အရေအတွက်တွေ ဘယ် လောက်ပဲ များများ အဝတ်အစား အသုံးအဆောင် တွေကို မဝယ် ဘဲ မနေနိုင်ကြတာ မိန်းမသားတွေရဲ့ သဘာဝပါပဲ။ ဒီထက်ပိုလို့ ရယ်စရာ ကောင်းတာက အဝတ် ဗီရိုတွေ အဝတ် သေတ္တာတွေ ထဲမှာ ဝတ်စရာ အဝတ်တွေ တောင်လို ယာ လို ပုံနေ ပေမယ့် တကယ်တမ်း စိတ်တိုင်းကျ ရွေးချယ်ပြီး ဝတ်ဖြစ်တဲ့ အဝတ်တွေ က လက်ချိုးရေလို့ ရအောင် ရှားပါး နေပြန်ပါတယ်။
ကျွန်မ တို့တွေ အားလုံး ကိုယ်နဲ့ လိုက်ဖက်မယ် ထင်ပြီး ရွေးချယ် ခဲ့ကြ ပေမယ့် တကယ်တမ်း ကိုယ့်ဆီ ရောက်လာတဲ့ အချိန်မှာ မတို့မထိဘဲ သိမ်းရုံ သိမ်းထားတဲ့ အဝတ် အစား တွေဟာ တံဆိပ် တန်းလန်းနဲ့ နှစ်နဲ့ချီ ပြီး ဗီရိုထဲမှာ ရှိနေတတ်ပါသေး တယ်။
ဒါ့ကြောင့်လည်း စားသောက်ကုန် လူသုံးကုန် နဲ့ လျှပ်စစ် ပစ္စည်းတွေ လိုအပ်တာထက် ပိုပြီး ဝယ်မိတဲ့သူ တွေ အတွက် အလေ အလွင့်တွေ ထိန်းသိမ်းနိုင်ဖို့ Buy Nothing Day ရယ်လို့ တစ်နှစ်မှာ တစ်ကြိမ် ကျင်းပခဲ့ကြတာပါ။
လတစ်လရဲ့ ပထမပတ် စနေ နေ့တိုင်း အိမ်မှာ ပိုလျှံနေတဲ့ မိမိရဲ့ ကိုယ်ပိုင် ပစ္စည်းနဲ့ အိမ်အသုံး အဆောင် ပစ္စည်းတွေကို Recycle အဖြစ် ပြန်လည် ရောင်းချတဲ့ ပွဲလေး ကို ဒူဘိုင်းမြို့က Safa ပန်းခြံမှာ တွေ့ရတတ်ပါတယ်။
မိမိအိမ်မှာ တကယ် မလိုအပ်ဘဲ ဝယ်ထားမိတဲ့ အဝတ်အစား (အသစ် တစ်ပတ်နွမ်း) မီးဖိုချောင်သုံး အသုံး အဆောင် အိမ်ထောင် ပရိဘောဂ အလှကုန် ပစ္စည်းတွေ ကို စွန့်ပစ်ရမယ့် အစား တကယ် လိုအပ်တဲ့သူတွေ ကို ပြန်လည် ရောင်းချတဲ့ ပွဲလေးမို့ ဈေးနှုန်း ချိုချိုသာသာနဲ့ အသုံး အဆောင်တွေ ရနိုင်တဲ့ နေရာလေး ပါပဲ။ အသစ် နီးပါး ရေခဲသေတ္တာ မိုက်ခရိုဝေ့တွေ ကို ဒါဟန်း ၂ဝ ဒါဟန်း ၃ဝ လောက် ( မြန်မာငွေ ငါးထောင်ကနေ ခုနစ်ထောင် လောက်ပဲ ကျပါတယ်) နဲ့ ရတတ်တာ မို့ တကယ့်ကို ရယ်စရာ ဈေးတန်းလေး လို့ပြောလို့ ရပါတယ်။ နောက်ဆုံး ဈေးသိမ်းချိန်မှာ ဘာယူယူ တစ်ကျပ် ဆိုပြီး အကုန်လုံးလျှော့ချ ပစ်တာမို့ ထမင်းပေါင်းအိုးတွေ မီးပူတွေကို တစ်ကျပ် ( မြန်မာငွေ ၂၄ဝ – ၂၅ဝ လောက်ပဲ ကျပါတယ်) လောက်နဲ့ ရတတ်ပါသေးတယ်။
Buy Nothing Day လေးက တော့ ကျွန်မ တို့လို ဈေးမဝယ်ရ မနေ နိုင်သူ ပျိုပျိုအိုအို အမျိုးသမီးထု တစ်ရပ်လုံးကို တစ်ရက်လောက် ပိုက်ဆံ ချွေတာဖို့ ၂၄ နာရီလောက် ဈေးမဝယ်ဘဲ ခဏ နားဖို့ အနားပေး တဲ့ ရက်လေး လို့ပဲ မြင်မိပါတယ်။
ဈေး မဝယ်ရနေ့လေး ကို ကျင်း ပရခြင်းရဲ့ ရည်ရွယ်ချက်ကောင်း လေးတွေ ဈေးမဝယ်ရနေ့ လေးက ပေးတဲ့ အသိပညာလေးတွေ က တကယ့်ကို စိတ်ဝင် စား စရာ ကောင်း ပါတယ်။
၁။ အနောက်နိုင်ငံ မှာတော့ ဥပဒေ အမှတ် (၇) ဆိုတာ လူတိုင်း သိတဲ့ ချွေတာရေး ဥပဒေလေး တစ်ခု ပါ။ ကိုယ့်အတွက် ခုနစ်ဒေါ်လာ နဲ့ အထက် ပစ္စည်း တစ်ခုခုကို ဝယ်ချင်တယ် ဆိုရင် ခုနစ်ရက် တိတိ စဉ်းစား ဖို့နဲ့ သူငယ်ချင်း မိတ်ဆွေ ခုနစ် ယောက်တိတိ နဲ့ တိုင်ပင်ဖို့ပါ။ တကယ်လို့ ကိုယ့်အတွက် တကယ် လိုအပ်တာ သေချာပြီ ဆိုရင် သူငယ် ချင်း မိတ်ဆွေတွေ ကလည်း ဝယ်သင့် တယ်လို့ အကြံပြုတယ် ဆိုရင်တော့ ဝယ်ဖြစ်အောင် ဝယ်ရပါလိမ့်မယ်။
မြန်မာပြည်က ညီမလေး တစ်ယောက် ဆိုရင်လည်း မြန်မာငွေ ခုနစ်ထောင် နဲ့အထက် အဝတ်အစား ကိုဝယ်ဖို့ ခုနစ်ရက်လောက် စဉ်းစား တယ်လို့ ပြောလေ့ ရှိပါတယ်။ ကျွန်မ ကိုယ်တိုင်လည်း ယူအေအီးငွေ ၇ဝ ( မြန်မာငွေ ၁၆ဝဝဝ ) နဲ့ အထက် အဝတ်အစား အသုံးအဆောင် ဝယ် မယ်ဆိုရင် အကြိမ်ကြိမ် စဉ်းစားရပါ တယ်။
၂။ ပစ္စည်း တစ်ခုခုကို ဝယ်ချင် တဲ့ ဆန္ဒဖြစ်လာပြီ ဆိုရင်လည်း မေးခွန်း သုံးခုကို မဖြစ်မနေ မေးရပါ့ မယ်။
၁။ ကိုယ်တတ်နိုင်တဲ့ ပမာဏ လား
၂။ ကိုယ့်အတွက် တကယ် လိုအပ်ရဲ့လား
၃။ ကိုယ်တကယ် လိုချင်တာလားဆိုတဲ့ မေးခွန်းသုံးခု ပါပဲ။
အဲ့ဒီမေးခွန်း သုံးခုလုံးရဲ့အဖြေ က Yes လို့ ထွက်လာရင်တော့ ဝယ် ကိုဝယ်ရမယ် လို့ဆိုပါတယ်။
၃။ ဒီအချက်လေးက စိတ်ဝင် စားစရာကောင်းပါတယ်။ မိမိလတ် တလော လိုအပ်နေတဲ့ ပစ္စည်းလေး မိမိအတွက် လည်း အမြဲတမ်း အသုံး မလိုဘူး ဆိုတာ သိနေ ရင်တော့ မိုက် မိုက်မဲမဲ ဝယ်ယူဖို့ မစဉ်းစားဘဲ အလကား ရနိုင်မယ့်နေရာတွေ ခေတ္တခဏ ငှားယူ သုံးစွဲလို့ရမယ့် နေရာလေးတွေကို စဉ်းစား ရပါမယ်။ ကျွန်မတို့ အလုပ် ထဲမှာ ဝန်ထမ်း သောင်း နဲ့ချီပြီး ရှိပါတယ်။ ဝန်ထမ်း တွေ အားလုံးအတွက် Staff Mart ဆိုတဲ့ ဆိုဒ်လေး ရှိပါတယ်။ အလုပ် ထွက်ပြီး အပြီးပြန်မယ့် သူတွေ အနေ နဲ့ အိမ်ထောင် ပရိဘောဂတွေ အသုံး အဆောင်တွေကို အလကားပေးတဲ့ သတင်းလေးတွေ တွေ့ရတတ်ပါတယ်။ တချို့ ကတော့ အလကား နီးပါးဈေး နဲ့ ရောင်း တတ် ပါတယ်။ အဲလိုမျိုး အလကား ပေးတတ်တဲ့ ဝဘ်ဆိုဒ်လေးတွေ နေရာတိုင်းမှာ ရှိတတ်ပါတယ်။ ကျွန်မ ကိုယ်တိုင် လည်း ပရင်တာ တစ်လုံး အသည်း အသန် လိုနေတဲ့ အနေ အထားမှာ ဝယ်သင့်မဝယ်သင့် ငှားပြီး သုံးသင့် မသုံးသင့် ဆိုတာ နှစ်ရက်လောက် အပြင်းအထန် စဉ်းစားခဲ့ဖူးပါတယ်။ ကိုယ့်အတွက် အမြဲတမ်း အသုံးမဝင် ဘူး ဆိုတာ သိနေလေတော့ ငှားယူ ပြီးသုံးမယ် ဆိုတဲ့ နည်းလမ်းကိုပဲ ရွေးဖြစ်ပါတယ်။
၎။ ကျွန်မ တို့ လူငယ်တွေဟာ စိတ်မြန် လက်မြန်ရှိသူတွေပါ။ အဝတ်အစား ပဲဖြစ်ဖြစ် အသုံး အဆောင်ပဲဖြစ်ဖြစ် ပျက်စီး သွားခဲ့ရင် လွင့်ပစ်ပြီး အသစ် ဝယ်ဖို့သာ ဆုံးဖြတ်မိပါတယ်။ တကယ်တော့ တချို့ တချို့ အသုံးအဆောင် တွေဟာ ပြန်လည် ပြုပြင်ပြီး သုံးစွဲလို့ ရတတ်ပါတယ်။ ဒါ့ကြောင့် အသစ်ပြန် မဝယ်ဘဲ ပြန် လည်ပြုပြင် ပြီး သုံးစွဲတဲ့ အကျင့်လေးတွေ မွေးမြူဖို့ပါပဲ။
ဥပမာ နာရီ ကြိုးလေးဟောင်း သွားရင် အရောင် လွင့်သွားရင် ကြိုး အသစ်လေး လဲပြီး သုံးလို့ ရပါတယ် တကယ့် အစိတ်အပိုင်း ဖြစ်တဲ့ နာရီ အိမ်တစ်ခု လုံးကောင်းကောင်း အလုပ် လုပ်နေသေးသရွေ့ နာရီ တစ်ခုလုံးကို စွန့်ပစ်ဖို့ မလိုသေးပါ ဘူး။
၅။ အပြင်သွားဖို့ ကိစ္စ ပေါ်လာ ပြီဆိုရင် မလိုအပ်ဘဲ အကြွေးဝယ် ကတ်ပြားတွေ ပိုက်ဆံတွေ မယူသွား ပါနဲ့။ အရေးပေါ် ကိစ္စပေါ်လာရင် သုံးဖို့ လိုအပ်တဲ့ ငွေ အနည်းဆုံး ပမာဏကို သာယူသွားပါ။ ဒါမှလည်း မလိုအပ်ဘဲ အပိုသုံးခြင်းကို ကာကွယ်နိုင်မှာပါ။ ( အခုခေတ်မှာ လမ်းသွား ရင်း ဆင်တစ်ကောင် ကို တစ်ကျပ် နဲ့ ရောင်းမယ့်သူ နဲ့ လည်း တွေ့စရာ မရှိ လောက်ပါဘူး။)
၆။ အိမ်မှာ ချက်ရင်း ပြုတ်ရင်းနဲ့ ဖြစ်ဖြစ် အရေးပေါ် တခုခု ဝယ်ဖို့ လိုလာရင် ဖြစ်ဖြစ် အိမ်နဲ့ အနီးအနား မှာရှိတဲ့ စတိုးဆိုင်လေး တွေ ကုန်စုံ ဆိုင်လေးတွေ မှာသာ ဝယ်ဖို့ စဉ်းစားပါ။ ကုန်တိုက်ကြီးတွေ ရှော့ပင်းမော တွေမှာ ဘယ်ပစ္စည်းပဲ ဝယ်ဝယ် စတိုးဆိုင်လေးတွေ ကုန်စုံဆိုင်လေး တွေထက် ဈေးကြီးတာ သေချာပါတယ်။ ပြီးတော့ ရှော့ပင်းမောတွေကို သွားလိုက်ခြင်း အားဖြင့် တကယ်မလို အပ်တဲ့ ပစ္စည်းတွေကို ဝယ်မိတတ် ပါသေးတယ်။
၇။ တစ်ပတ် တစ်ခါ ဈေးဝယ် တတ်သူတွေ အတွက် shopping List လေး လုပ်တတ်ပါစေ။ အိမ်မှာ တခုခု ကုန်နေပြီ ဆိုတာ သိတာနဲ့ ဈေးဝယ် ရမယ့် စာရင်းထဲမှာ မှတ် သား တတ်ပါစေ။ ဈေးဝယ်စာရင်း ဟာ ရှော့ပင်းမော ကိုရောက်မှ လိုချင်တာ စဉ်းစား ရှာဖွေတတ်သူ တွေကို အချိန်ကုန် လူပန်းသက် သာစေသလို မလိုအပ်ဘဲ အပိုတွေ မဝယ်မိအောင် အထောက် အကူပြု ပါတယ်။
ပျော်ရွှင်ဖွယ်ရာ Buy Nothing Day လေးကို ပိုင်ဆိုင်နိုင်ပါစေ။
နှင်း
ယုယ
