ယောင်တတ်ကြလွန်းလို့
ဒို့မြန်မာ များဟာ သူများ ယောင်ရင် လိုက်ယောင် တတ်တဲ့ အထဲ ထိပ်ဆုံး ကလို့ ပြောရင် နာကြ ဦးမယ်။ တောက်တဲ့မ တို့ရွာထဲမယ် ဆီပု လင်းလေး ကိုင်ပြီး လမ်းလျှောက် ရင်း နွား တစ်ကောင် လောက် သေးပေါက်တာ မြင်လိုက် လို့က တော့ ကိုယ့်လက်ထဲက ဆီပုလင်း ကိုပါ သွန် ပစ်မိ တာ။ အဲ . . . ဖေ့ဘုတ် ကြီးပေါ်မယ် ကြတော့ သူများ share ရင် လိုက်ရှဲ၊ သူများ ဆဲရင် လိုက်ဆဲ၊ သူများ မည်းရင် လိုက်မည်း။ သူများသည်းရင် လိုက်သည်း။ သူများ ကဲရင် လိုက်ကဲ။ သူများဟဲရင် လိုက်ဟဲ။ သူများက ဒါကို profile ပြောင်းကြဟေ့ဆို လိုက်ပြောင်းနဲ့ ဟုတ်နေရော။
အကြောင်း ကိစ္စ တစ်ခု ပေါ်လာရင် ပြဿနာ အဆင့် ဟုတ်ရဲ့လား၊ ပြဿနာ ရော ဟုတ်ရဲ့လား၊ ပြဿနာ ဆို တာရော သေချာပြီလား၊ ဘာတွေ ကြောင့် အခြေအနေတွေ က ကိုင်တွယ်ရ ခက်နေတာလဲ၊ အဖြေကို ရှာတွေ့ နိုင်လားတွေ မစဉ်းစားဘဲ ပြဿနာ ပုံချဖို့ လူ (သို့) အဖွဲ့ကိုပဲ ချက်ချင်း တွေးပြီး တရားခံ ရှာတတ်တဲ့ ဥာဉ်တွေနဲ့ပဲ ဝိုင်းရေးတာ များကြတယ်။ ဖြစ်နိုင်၏ မဖြစ်နိုင်၏ သေချာမစဉ်းစား၊ အပေါ်ယံ ခံစားချက် လောက် နဲ့ပဲ နက်နက်နဲနဲ မစဉ်းစားဘဲ အပြစ်တင်ကြ ၊ ဝေဖန်ကြ၊ လေကန်ကြ ဆိုတာ အားလုံး အသိ ပါပဲ။
ဒီတော့ကာ အားလုံး တိုးတက် ချင်ကြတယ် ဆိုရင်တော့ သူများယောင် အမောင်တောင်မှန်း မြောက်မှန်း မသိဘဲ လိုက်ယောင်တတ်တဲ့ ဒီလိုစတန့် မျိုး တွေကို မလုပ်ကြတော့ ပဲ ပြဿနာ တစ်ခုကြုံလာရတယ် ဆိုရင် သေသေချာချာ လေ့လာ သုံးသပ်၊ ကိုယ်ကိုယ်တိုင် လည်း အဖြေမှန် ရစေဖို့ အတွက် ဝိုင်းစဉ်း စား၊ ဝိုင်းမေး ခွန်း ထုတ်၊ အခြေအနေတွေကို နားလည်ပြီး ဝိုင်းကူညီပေးတဲ့ စတန့်မျိုး ပြောင်းထွင် ကြည့်ကြရအောင်လား။
တောက်တဲ့မရဲ့ ညီမ တစ်ယောက်လည်း အများကို အားကျတော့ ဘာလုပ်လုပ် ဖေ့ဘွတ်ပေါ် တင်တာ။ အိပ်ရာထ၊ မျက်နှာသစ်၊ သွားတိုက်၊ ရေချိုး၊ အစာစား၊ အပြင်သွား၊ အိမ်ပြန်၊ TV ကြည့်၊ အိပ်ရာဝင်၊ အစီအစဉ် တိုင်းတင်တာ။ အိမ်ရဲ့နေရာ အစုံ၊ အိမ်ဖော်အစုံ လူအကုန် အကြောင်း မသိ ချင်မှ အဆုံး။ တစ်ရက်သား မယ် အိမ်ရှိ လူကုန် အလှူ သွားမယ် ဆိုပြီး တင်တော့ တစ်အိမ်လုံး အလွတ် ရနေတဲ့ FB ပေါ်က သူခိုးက အေးအေး ဆေးဆေးလေး ဝင်ခိုးပြီး message box ထဲ ကနေ ကျေးဇူး စကား ဆိုပြီး နှုတ်ဆက် သွားလေရဲ့။
တဏှာရာဂတွေကို ခေတ္တပယ်ရှားပေးကြစေလို
အနုပညာ လောကထဲကို ဝင်လာတဲ့ အမျိုးသမီးလေး များဟာ ငွေကြေး ရဲ့ဒဏ် ကို ခံနိုင်တဲ့ သူ နည်းပါ တယ်။ အပြိုင် အဆိုင် ဝတ်ချင်၊ သုံးချင် စိတ်တွေ ကြောင့် ကိုယ့် ကိုယ်ကိုယ် အနုပညာကြေး တင်မက အရွ ပညာဈေးတွေ ပါ ဖွင့်ကြရတယ်။
မီဒီယာထက် ကနေ ရည်းစား မရှိသေးပါဘူး ဆိုပြီး available လုပ်လို လုပ်၊ စူစူပြူပြူလေး များနဲ့ one get one free ပြောတော့ မယောင် ယောင် မျက်နှာပေး မျိုး ပေးလိုပေး။ မီဒီယာ များကလည်း အမျိုးသမီး တို့ ပုံရိပ် ကို လေးစားအားကျ စဖွယ်မျိုးကို တယ်ပြီး အသားမပေးချင်။ မင်းသမီး နားထဲ မျော့ဝင် လည်း သတင်း၊ ပါးစပ်ထဲ လျှာ တစ်လစ်ဖြစ်လည်း သတင်း၊ အဝှာထဲ အဝှာဝင် လည်း သတင်း၊ နောက်ဆုံး သတင်းကတော့ ဟို မင်းသမီး ပေါက်စလေး က ရွကြေး သိန်း ၁၂ဝ ဖွင့်လိုက် တဲ့ သတင်း။ ဒါမျိုး ကြားရင် ရုန်းကန်နေ ရပြီး ငွေလိုနေတဲ့ မိန်းကလေး ငယ်လေးများက တလွဲအားကျနိုင် တယ်။ အားမကျ ဖို့ပြောရမယ် ဆိုရင် ပွဲစားတွေ၊ အောင် သွယ်တွေ၊ ခေါင်း တွေဆီမှာ အချိန်စာရင်း၊ လူစာရင်း နဲ့ တကွ ကြေး စာရင်းတွေပါ ကိုင် ထားလို့ ကိုယ့်အနာဂတ် အတွက် သိက္ခာကို သူတို့ ဆီမှာ စပေါ် တင်ထားရ သလိုပါပဲ။ ပြန်ရွေးချင်ရင် လည်း ကြေးကြီး ပါသနော်။
တိုင်းပြည် တိုးတက်အောင် ဝိုင်းကြ ဝန်းကြရမယ့် အချိန်မှာ ဦးဦး တဏှာပိ တို့ကလည်း ခဏခဏ ထတတ် တဲ့ သွေးအထ လေ အဖိရောဂါ ကို နိုင်အောင် သတ်လို့ တကယ် လိုအပ်တဲ့ နေရာတွေမှာ ဝိုင်းဝန်း ကူညီကြပါဦး။ တဏှာ ရာဂ ကယ်ဆယ်ရေးတွေ ကို ခနနားပြီး တိုင်းပြည်မှာ တကယ် လိုအပ်နေတဲ့ လူမှုရေး ထည့် ဝင်ငွေတွေ၊ လူမှုရေး တာဝန်ယူမှုတွေ ဖက် ဦးလှည့်ကြပါဦး လို့။
ချစ်နေမှာပဲ
မောင်တောက်တီး တို့ သူငယ်ချင်း တစ်စု ကတော့ ကွန်နက်ရှင်လေး နည်းနည်း ကောင်းပြီ ဆိုတာနဲ့ facebook တစ်ခွင် ပြဲပြဲ စင်အောင် မိန်းကလေး ချောချောလေးတွေ ရှာပုံတော် ဖွင့်နေကျပါပဲ။
အဲသလို ချောချောလေး တစ်ယောက်လောက် ကို များ တွေ့လိုက်ပြီ ဆိုတာနဲ့ ကိုယ့် အချင်းချင်း ရှယ်ကြ ဖို့ကိုလည်း ကတိ ထားရသေးတယ်။ ပြီးမှ ကောင်မလေး တင်ထားတဲ့ ပုံတွေကို မွှေနှောက် ကြည့်ရှုပြီး ကွန်မင့်နုနု လေးတွေ ပေးကြ၊ Like တွေလုပ်ကြ၊ သူငယ်ချင်း အဖြစ် လက် ခံအောင် ပြောကြ နဲ့ တော်တော် အလုပ် ရှုပ်ကြ ရတယ်။ အဲသလို လုပ်နေကြချိန် မှာ ကွန်နက်ရှင် များ ကျသွား လို့ ကတော့ သေပေတော့ MPT ပဲ။ MPT ကို ဆဲဆို ကြိမ်းမောင်းသံတွေ မကြားဝံ့ မနာသာ ထွက်လာ ကြတော့ တာပါပဲလေ။ ကွန်နက်ရှင်လေး က လည်းကောင်း သူတို့ အသည်း အသန် လိုက် ချိတ်နေကြ တဲ့ ကောင်မလေးတွေ နဲ့ကလည်း အဆင်ပြေ ဆိုလို့ က တော့ မျက်နှာ ကြီးတွေ အဆီပြန်ပြီး၊ ပြုံးဖြီးဖြီး ကြီးတွေ ဖြစ်၊ ထမင်းမေ့ ဟင်းမေ့ ကွန်ပျူတာ ရှေ့က မထတော့ပဲကိုး။
ခုလည်း အလန်းစား ကောင်မလေး တစ်ယောက်ကို မောင်တောက်တီး တို့ တစ်အုပ်စုလုံး ဝိုင်းပြီး ‘ဂေါ်’ နေ ကြပြန် သကိုး။ ကောင်မလေး ကတော့ ခုထက်ထိ သူတို့ကို ဘာမှ ပြန်မပြောသေးပေမယ့် သူတို့ရဲ့ ကွန်မင့်တွေ၊ ကလိ တိတိ ရိတိတိ စကားတွေ၊ မိတ်ဆက် စကားတွေ၊ အိပ်ခါနီး နှုတ်ဆက် စကားတွေ၊ မိုးလင်းနှုတ်ခွန်းဆက် တွေ ကတော့ ကောင်မလေး ရဲ့ ပုံတွေအောက် မှာပြည့်နေပြီ။ အဲသလို ‘ဂေါ်’ ရေးပြနေကြတာ ၃ ရက်လောက် လည်းရှိရော ကောင်မလေး ရဲ့ Wall ပေါ်မှာ လူတစ်ယောက် က ရေးထားတဲ့ စာပိုဒ် တစ်ခုကို တွေ့ကြရပါလေရော။
စာက ဒီလို facebook တစ်ခွင်တွင် လွန်စွာနှာဘူး ထကြ ဂေါ်ကြော သန်ကြသည့် အမောင်လုလင် တို့သည် ကောင်မလေး လှလှ တစ်ယောက်တွေ့ သည်နှင့် ချစ် ချာလေး၊ so sexy, so cute ချစ်ချင် လိုက်တာ အစရှိသည် ဖြင့် ဝင်ရောက် မှတ်ချက်ပေး ကြကာ၊ နေ့မနား ညမအား ဝိုင်းဝန်းဂေါ်ကြ ရာ ယခု Wall ပိုင်ရှင်၏ ဓာတ်ပုံ များ အောက်တွင် ယင်းသို့သော မှတ်ချက်များကို ယခု တစ်လော ပို၍ ပို၍ တွေ့လာလေရကား မိမိခမျာ အသံကုန် ဟစ်၍သာ အတောမသတ် ရယ်မော လိုက် ချင်ပေတော့ သည်တကား။
ဒါနဲ့ပဲ မောင်တောက်တီး တို့ အုပ်စုလည်း ဘာကို ဆိုလိုမှန်းသေသေချာချာ မသိကြတာနဲ့ အူကြောင်ကြောင် ဖြစ်နေတုန်း သူတို့ထက် facebook ဝါရင့်တဲ့ ငနဲ တစ်ကောင် ရဲ့စကားကြောင့် အားလုံး ပက်လက်လန် လုမတတ် ဖြစ်သွားကြ ရတော့သကိုး။
နောက်ပိုင်း စုံစမ်းကြည့် ကြတော့လည်း ဒီငနဲ ပြောတာ ဟုတ် တယ်။ မောင်တောက်တီး တို့ ဝိုင်းဂေါ်နေကြတဲ့ ကောင်မလေး ဆိုတာ တကယ်တော့ ကောင်မလေး အစစ် မဟုတ်တဲ့ ဂေးလေး ဆိုတာ သိရတော့ တယ်။ ဒါတောင် မောင်တောက်တီး သူငယ်ချင်း တစ်ယောက်ကတော့ မလျှော့သေးဘူး။
”အိုကွာ… လှလို့ လှတယ်ပြောတာပဲ… ဂေးမကလို့ ဘာကြီး ဖြစ်နေဖြစ်နေ ချစ်စရာ ကောင်းရင်တော့ ချစ်နေမှာပဲ”တဲ့…။
ပွင့်လင်းမြင်သာမှုရှိကြစေဖို့
၂ဝ၁၅ နီးလာ လေလေ အသံ ပိုပြီးကျယ်လာ လေလေဖြစ်တဲ့ ဖွဲ့စည်းပုံ အခြေခံ ဥပဒေ ပြင်ဆင်ရေး ဆိုတာ ကြီးကို တောက်တဲ့မ တို့ နားမလည်လို့ ဘယ်လို အကြံမှ မပေးနိုင်ပေမယ့်၊ ခုခေတ်မှာ လူပြော များလာတဲ့ ပွင့် လင်း မြင်သာမှု ဆိုတဲ့ ဝေါဟာရ ကိုတော့ သဘော အကျသားရှင့်။
သူတို့ ပြောကြသလို ဆိုရင်တော့ အရင် အစိုးရ အဆက်ဆက် လက်ထက်မှာ ပွင့်လင်း မြင်သာမှု မရှိခဲ့သမျှ အဝဝ ကို ဒီမိုကရေစီ ခေတ်မှာ အပြည့်အဝ ပွင့်လင်းမြင်သာမှု ရှိလာအောင် ပြည်သူ အားလုံး က ဝိုင်းဝန်း ကြိုးပန်း ရမယ် ဆိုလားပဲ။ သတင်းတွေကို ပြည်သူဆီ ချမပြဘဲ ထိန်ချန် ထားတာ၊ နိုင်ငံတော် ဘဏ္ဍာရေး အသုံး စရိတ်နဲ့ ပတ်သက်လို့ ပြည်သူကို အသိမပေးဘဲ သုံးချင်သလို သုံးပစ်တာ၊ အများပြည်သူ အကျိုးမှာ ငွေတွေ မသုံးဘဲ စစ်တပ် ခေတ်မီ တိုးတက် ဖို့အတွက် ငွေတွေကို သုံးပစ်တာ၊ အစိုးရ အဖွဲ့ဝင်တွေရဲ့ ပိုင်ဆိုင်မှုတွေကို ပြည်သူ မသိအောင် ဖုံးထားတာ… အို… ပွင့်လင်းမြင်သာမှု မရှိတာတွေ အများကြီး ရှိခဲ့သကိုး။ ကြည့်စမ်း…ဒါတွေ ကို တောက်တဲ့မ တို့ ရာစုနှစ် တစ်ဝက်စာလောက် ခံခဲ့ရတာကိုး။ ခုမှပဲ သိရတော့တယ်။ ဒါကြောင်လည်း ပွင့်လင်းမြင် သာမှု ဆိုတာကို ပြည်သူတွေ နားလည် သဘောပေါက် သွားအောင် လုပ်ပေးတဲ့ အဖွဲ့ အစည်း အဝဝကို တောက်တဲ့မ ကျေးဇူးတင် လိုက်တာ မပြောပါနဲ့တော့ရှင်….။ ပြီးတော့ ဆက် စဉ်းစားမိ လိုက်တာက ငယ်ငယ် က ဆိုခဲ့ရတဲ့ စာလေးပါ။ မိမိကိုယ်ကို ကောင်းအောင် ကြိုးစားမည်၊ မိမိအတန်း ကို ကောင်းအောင် ကြိုးစားမည်၊ မိမိ ကျောင်းကို ကောင်းအောင် ကြိုးစားမည်၊ မိမိ တိုင်းပြည် အတွက် ကောင်းအောင် ကြိုးစားမည် ဆိုတာလေးကိုပါ။ ဒီသဘောအရ ဆိုရင် ပွင့်လင်း မြင်သာမှု ဆိုတာ တစ်ဦးချင်း၊ တစ်အိမ်ချင်း၊ တစ်ရပ်ကွက်ချင်း ကစပြီး ရှိနေမှ သာလျှင် တိုင်းပြည်ကြီး တစ်ခုလုံး ပွင့်လင်ပြီး ပွင့်လင်း လူ့အဖွဲ့အစည်းကြီး ဖြစ်မယ် မဟုတ်ပါလား။ ဟဲ..ဟဲ… သဘော တရားကို လက်တွေ့ အဖြစ် ချက်ချင်းပြောင်း ကြည့်လိုက်ဦးမယ်။
”ကဲ… အဖေတို့ အမေတို့… သမီးတို့ တိုင်းပြည်ကြီး ပွင့်လင်းမြင် သာမှုရှိရေး အတွက် အဖေတို့ အမေတို့ ကိုယ်တိုင်လည်း ပွင့်ပွင့်လင်းလင်း ရှိကြမှ ဖြစ်မယ်နော်။ အဖေ လည်း လခ ထုတ်ရင် အမေ့ကို ပိုက်ဆံ အကုန် အပ်၊ ဟိုချောင်ထိုး သည်ချောင်ထိုး မလုပ်နဲ့။ ကြားပေါက်ရတာ ရှိရင်လည်း ဘတ်မထားနဲ့။ အမေက လည်း ဈေးဖိုး မကုန်ဘဲ ကုန်တယ် မလုပ်နဲ့။ အိမ်စရိတ်ကို မှန်မှန်ကန်ကန် သုံး။ မိသားစု အတွင်း အားလုံး ပွင့်လင်းမြင်သာမှု ရှိနေ ရမယ်နော်” လို့ ခပ်တည်တည် နဲ့ပြောချလိုက်တယ်။ အဖေကတော့ ရုတ်တရက် ကြောင်သွားပြီး မျက်လုံးကြီး ပြူးကြည့်နေတယ်။ အမေကတော့ ”ဟဲ့ တောက်တဲ့မ ရဲ့ ရိုးရိုးပဲ လုပ်ပါ။ အဆန်းတွေ မထွင်စမ်းပါနဲ့။ တစ်သက် လုံး ငါတို့ လင်မယား တည့်တည့် မတ်မတ်နေလာကြလို့ ညည်းတို့ ဒီအရွယ်အထိ ကြီးပြင်းလာကြရတာ။ ခုမှ ပွင်လင်း တာတွေ မပွင်လင်းတာတွေ လာလုပ်မနေ နဲ့။ ကိုင်း… ဒါဆို ညည်းတို့လည်း မုန့်ဖိုး ညာမတောင်းနဲ့။ အပို စရိတ်တွေ လာမပြနဲ့။ ရည်းစားနဲ့ သွားမယ်ဆိုရင် မှန်တဲ့ အတိုင်းပြော။ ဟိုလိုလို သည်လိုလို လုပ်ပြီး ညာ ထွက် မသွားနဲ့။ လုပ်လေ… လုပ်ပါ…စိမ်လိုက် စမ်းပါ” လို့ပြန်ပြောတော့တာပဲ။ မောင်တောက်တီး ကတော့ အိမ်ကို အဘတ်ဆုံးကောင် ဆိုတော့ အခန်းထောင့်မှာ ကုပ်နေရင်း က တောက်တဲ့မကို ခေါင်းခါပြတယ်။ မဖြစ်နိုင်ဘူး သွားမလုပ်နဲ့ ဆိုတဲ့သဘော။ အဖေကတော့ ”သမီးရယ်… ပွင့်လင်းမြင်သာမှု ရှိရမယ် ဆိုတိုင်း ပွင့်လင်း လိုက် လို့ကတော့ ကွာ။ ကိုင်း..ညည်း ကိုယ်ညည်းပဲ ပြန်မေးကြည့်စမ်းပါ။ ဘယ်လောက် ပွင့်လင်းမြင်သာမှု ရှိနေပြီလဲလို့။ ဟိုကောင် ငဘတ်… တောက်တီးရော ဘယ်ချောင် ကုပ်နေတာလဲ။ လာစမ်းပါ။ ပွင့်လင်းမြင်သာ လိုက်ကြချင်လွန်းလို့….ဟွင်းဟွင်း…”